സോഷ്യൽ മീഡിയക്ക് കടിഞ്ഞാണിടാൻ കേന്ദ്ര നീക്കം: IT നിയമത്തിൽ മാറ്റം കൊണ്ടുവരാൻ ആലോചന
സമൂഹ മാധ്യമങ്ങൾക്ക് കടിഞ്ഞാണിടാൻ കേന്ദ്രസർക്കാർ നീക്കം. ഇതിനായി ഐടി നിയമത്തിൽ മാറ്റം കൊണ്ടുവരാനാണ് ആലോചന. ഐടി ആക്ടിലെ 79-ാം വകുപ്പിൽ മാറ്റങ്ങളാണ് പരിഗണനയിൽ. ഉപയോക്താക്കൾ പോസ്റ്റ് ചെയ്യുന്ന ഉള്ളടക്കങ്ങൾക്ക് കമ്പനികൾ നേരിട്ട് നിയമപരമായി ഉത്തരവാദികളാകില്ലെന്ന നിലവിലെ ചട്ടം മാറ്റിയേക്കും. വിവാദപരമോ നിയമവിരുദ്ധമോ ആയ ഉള്ളടക്കങ്ങളുടെ പേരിൽ കമ്പനികൾക്കെതിരെ നേരിട്ട് കേസെടുക്കാവുന്ന തരത്തിലാണ് മാറ്റങ്ങൾ പരിഗണിക്കുന്നത്.
എക്സ്, യൂട്യൂബ്, മെറ്റ എന്നീ സോഷ്യൽ മീഡിയ ഭീമന്മാരെ ലക്ഷ്യമിട്ടാണ് പുതിയ നീക്കം.
സോഷ്യൽ മീഡിയാ പ്ലാറ്റ്ഫോമുകൾ വെറും കണ്ടന്റ് കാരിയർമാർ മാത്രമല്ലെന്ന് കേന്ദ്രം. അൽഗോരിതം വഴി ഉള്ളടക്കം നിയന്ത്രിക്കുന്നതിനും പങ്കുവെക്കുന്നതിനും സമൂഹ മാധ്യമ അക്കൗണ്ടുകൾക്കും പ്ലാറ്റ്ഫോമുകൾക്കും പങ്കുണ്ടെന്ന് കേന്ദ്രം പറയുന്നു. നിയമ പരിരക്ഷ പിൻവലിക്കുന്നതോടെ പ്ലാറ്റ്ഫോമുകൾക്കെതിരെ കേന്ദ്രത്തിന് നേരിട്ട് കെസെടുക്കാൻ സാധിക്കും. നിലവിൽ കേന്ദ്രം നോട്ടീസ് നൽകുന്നതനുസരിച്ച് സമൂഹമാധ്യമ പോസ്റ്റുകൾ പിൻവലിക്കുകയായിരുന്നു ചെയ്യുന്നത്.
ഉപയോക്താക്കൾ കാണുന്ന ഉള്ളടക്കം എന്തായിരിക്കണമെന്ന് സജീവമായി തീരുമാനിക്കുന്ന സോഷ്യൽ മീഡിയ കമ്പനികൾക്ക് പകരം, വിവരങ്ങൾ കൈമാറുകയോ എത്തിക്കുകയോ മാത്രം ചെയ്യുന്ന സേവനങ്ങൾക്ക്—ഉദാഹരണത്തിന് ഇന്റർനെറ്റ് സേവന ദാതാക്കൾ (ISPs), ടെലികോം സേവന ദാതാക്കൾ (TSPs), പിയർ-ടു-പിയർ മെസേജിംഗ് പ്ലാറ്റ്ഫോമുകൾ എന്നിവയ്ക്ക്—മാത്രമായി ഈ സംരക്ഷണം പരിമിതപ്പെടുത്താമോ എന്ന് സർക്കാർ പരിശോധിച്ചുവരികയാണെന്നാണ് വിവരം.
The Radius News summarizes this story. Read the original report at the link below.
